ಶಿವಮೊಗ್ಗ ಲೈವ್.ಕಾಂ | SHIMOGA NEWS | 7 ಡಿಸೆಂಬರ್ 2021

ರೈಲ್ವೆ ಲೆವೆಲ್ ಕ್ರಾಸಿಂಗ್ ಗೇಟ್ ಸಂಖ್ಯೆ 49, 50 ಮತ್ತು 79ರ ಲೆವೆಲ್ ಕ್ರಾಸಿಂಗ್‌ನಲ್ಲಿ ತಾಂತ್ರಿಕ ಪರಿಶೀಲನೆ ಮಾಡುವುದಕ್ಕಾಗಿ ಗೇಟ್‌ಗಳನ್ನು ನಿಗದಿತ ದಿನಗಳಂದು ಮುಚ್ಚಲಾಗುತ್ತಿದ್ದು, ಪರ್ಯಾಯ ಮಾರ್ಗಗಳಲ್ಲಿ ವಾಹನಗಳ ಸಂಚಾರಕ್ಕೆ ಅವಕಾಶ ನೀಡಿ ಜಿಲ್ಲಾಧಿಕಾರಿ ಕೆ.ಬಿ.ಶಿವಕುಮಾರ್‌ ಆದೇಶಿಸಿದ್ದಾರೆ.

ಎಲ್‌ಸಿ ನಂ 50ರಲ್ಲಿ (ಕಾಶೀಪುರ) ಡಿ.6ರ ರಾತ್ರಿ 10.30ರಿಂದ ಡಿ.7ರ ರಾತ್ರಿ 7 ಗಂಟೆವರೆಗೆ ಮಾರ್ಗವನ್ನು ಬಂದ್ ಮಾಡಲಾಗುವುದು. ಈ ಭಾಗದಲ್ಲಿ ಸಂಚರಿಸುವ ವಾಹನಗಳು ಸವಳಂಗ ರಸ್ತೆ, ರೈಲ್ವೆ ಗೇಟ್ ಮೂಲಕ ಉಪಾ ನರ್ಸಿಂಗ್ ಹೋಂ, ಜೈಲ್ ಸರ್ಕಲ್, ವಿನೋಬನಗರ ಪೊಲೀಸ್ ಚೌಕಿ ಮುಖಾಂತರ ತೆರಳಬಹುದು.

ಇದನ್ನೂ ಓದಿ | ಸವಳಂಗ ರಸ್ತೆಯ ರೈಲ್ವೆ ಗೇಟ್ ಬಂದ್, ಉಷಾ ನರ್ಸಿಂಗ್ ಹೋಂ ಎದುರಿಗೆ ಬ್ಯಾರಿಕೇಡ್

ಎಲ್‌ಸಿ ನಂ.79ನ್ನು (ಶಿವಮೊಗ್ಗ-ಸಾಗರ ರಸ್ತೆಯ ಕುಂಸಿ ರೈಲ್ವೆ ಗೇಟ್) ಡಿ.9ರ ರಾತ್ರಿ 10.30 ರಿಂದ ಡಿ.10 ರ ರಾತ್ರಿ 7ರವರೆಗೆ ಬಂದ್ ಮಾಡಲಾಗುವುದು. ಈ ಮಾರ್ಗದ ಬದಲು ಚೋರಡಿ – ಶೆಟ್ಟಿಕೆರೆ – ಸೂಡೂರು – 5ನೇ ಮೈಲಿಕಲ್ಲು – ಆಯನೂರು ಮತ್ತು ಎಲ್‌ಸಿ 73 ರ ಮಾರ್ಗವಾದ ಬಾಳೆಕೊಪ್ಪ – ಚಿಕ್ಕಮರಸ – ಕುಂಸಿ ಮುಖಾಂತರ ವಾಹನಗಳು ಸಂಚರಿಸಬಹುದು ಎಂದು ಕೆ.ಬಿ.ಶಿವಕುಮಾರ್ ತಿಳಿಸಿದ್ದಾರೆ.