ಶಿವಮೊಗ್ಗದ ಲೈವ್.ಕಾಂ |  SHIMOGA NEWS |  22 ಡಿಸೆಂಬರ್ 2021

ಬಸವನಗುಡಿಯ ಆಫೀಸರ್ಸ್ ಕ್ವಾರ್ಟರ್ಸ್’ನಲ್ಲಿ ಇಸ್ಪೀಟ್ ಕ್ಲಬ್ ಮಾಡುವುದು ಸೂಕ್ತವಲ್ಲ ಎಂದು ನಿವಾಸಿಗಳ ಸಂಘ ಒತ್ತಾಯಿಸಿದೆ. ಅಲ್ಲದೆ ಇಸ್ಪೀಟ್ ಕ್ಲಬ್ ಮಾಡುವ ನಿರ್ಧಾರಕ್ಕೆ ತಮ್ಮ ಖಂಡನೆ ಇದೆ ಎಂದು ಜಿಲ್ಲಾಧಿಕಾರಿಗೆ ಸಲ್ಲಿಸಿರುವ ಮನವಿಯಲ್ಲಿ ತಿಳಿಸಲಾಗಿದೆ

ಶಿವಮೊಗ್ಗ ಬಸವನಗುಡಿಯ ಆಫೀಸರ್ಸ್ ಕ್ವಾರ್ಟರ್ಸ್’ನಲ್ಲಿ ಸ್ಪೋರ್ಟ್ಸ್ ಕ್ಲಬ್ ಇದೆ. ಸುಮಾರು 40 ವರ್ಷದಿಂದ ಈ ಕ್ಲಬ್ ಇದ್ದು, ಬ್ಯಾಡ್ಮಿಂಟನ್ ಕ್ರೀಡೆ ನಡೆಯುತ್ತಿದ್ದವು. ಜಿಲ್ಲಾಧಿಕಾರಿ ಅವರೆ ಈ ಕ್ಲಬ್ ಅಧ್ಯಕ್ಷರಾಗಿದ್ದಾರೆ ಎಂದು ಮನವಿಲ್ಲಿ ತಿಳಿಸಲಾಗಿದೆ.

ಇಸ್ಪೀಟ್ ಕ್ಲಬ್ ಮಾಡಲು ವಿರೋಧ

ಈ ಸ್ಪೋರ್ಟ್ಸ್ ಕ್ಲಬನ್ನು ಇಸ್ಪೀಟ್ ಕ್ಲಬ್ ಆಗಿ ಪರಿವರ್ತನೆ ಮಾಡುತ್ತಿರುವುದಾಗಿ ತಿಳಿದು ಬಂದಿದೆ. ಇದಕ್ಕೆ ಬಸವನಗುಡಿ ನಿವಾಸಿಗಳ ಸಂಘದ ವಿರೋಧವಿದೆ ಎಂದು ನಿವಾಸಿಗಳ ಸಂಘ ಜಿಲ್ಲಾಧಿಕಾರಿಗೆ ನೀಡಿರುವ ಮನವಿಯಲ್ಲಿ ತಿಳಿಸಿದೆ.

ಚೌಡೇಶ್ವರಿ ದೇವಸ್ಥಾನ ಇದೆ

ಸ್ಫೋರ್ಟ್ಸ್ ಕ್ಲಬ್ ಪಕ್ಕದಲ್ಲಿಯೇ ಚೌಡೇಶ್ವರಿ ದೇವಸ್ಥಾನವಿದೆ. ಈ ದೇಗುಲಕ್ಕೆ ಸಾವಿರಾರು ಭಿಕ್ತರು ನಡೆದುಕೊಳ್ಳುತ್ತಾರೆ. ಅಲ್ಲಿ ಇಸ್ಪೀಟ್ ಕ್ಲಬ್ ಮಾಡುವುದು ಸೂಕ್ತವಲ್ಲ. ಜನವಸತಿ ಪ್ರದೇಶದಲ್ಲಿ ಬಾರ್ ಮತ್ತು ಇಸ್ಪೀಟ್ ಆಡಿಸಲು ಕೆಲ ಪಟ್ಟಭದ್ರ ಹಿತಾಸಕ್ತಿಗಳು ಪ್ರಯತ್ನ ಮಾಡುತ್ತಿರುವುದು ಕಾನೂನು ಬಾಹಿರ. ಯಾವುದೇ ಕಾರಣಕ್ಕೂ ಇದಕ್ಕೆ ಅವಕಾಶ ಕೊಡಬಾರದೆಂದು ನಿವಾಸಿಗಳ ಸಂಘ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದೆ.