ಕ್ಷಣ ಕ್ಷಣದ ಸುದ್ದಿಗಳಿಗಾಗಿ ನಮ್ಮನ್ನು ಸೇರಿ
ಶಿವಮೊಗ್ಗದ ಲೈವ್.ಕಾಂ | SHIMOGA NEWS | 23 ಫೆಬ್ರವರಿ 2022
ಬಜರಂಗದಳ ಕಾರ್ಯಕರ್ತ ಹರ್ಷ ಹತ್ಯೆ ಹಿನ್ನೆಲೆ ಉದ್ವಿಗ್ನಗೊಂಡಿದ್ದ ಶಿವಮೊಗ್ಗ ನಗರ ಸಹಜ ಸ್ಥಿತಿಗೆ ಮರಳುತ್ತಿದೆ. ಈ ನಡುವೆ ನಗರ ವ್ಯಾಪ್ತಿಯಲ್ಲಿ ಹದ್ದಿನ ಕಣ್ಣಿಡಲು ಡ್ರೋಣ್’ಗಳು ಆಗಮಿಸಿವೆ.
ಉಡುಪಿ ಜಿಲ್ಲೆಯ ಕಾರ್ಕಳದಿಂದ ಈ ಡ್ರೋಣ್’ಗಳು ಶಿವಮೊಗ್ಗ ನಗರಕ್ಕೆ ತರಿಸಲಾಗಿದೆ. ನಕ್ಸಲ್ ನಿಗ್ರಹ ಪಡೆ (ಎಎನ್ಎಫ್) ಪಡೆ ಈ ಡ್ರೋಣ್’ಗಳ ಬಳಕೆ ಮಾಡುತ್ತಿದೆ. ಎರಡು ಡ್ರೋಣ್’ಗಳು ಈಗ ಶಿವಮೊಗ್ಗ ನಗರದ ಮೇಲೆ ಹಾರಾಡುತ್ತಿವೆ.
ಈ ಡ್ರೋಣ್’ಗಳ ವಿಶೇಷತೆ ಏನು?
» ಇವು ನೇತ್ರಾ ವಿ ಸೀರಿಸ್’ನ ಡ್ರೋಣ್’ಗಳಾಗಿವೆ. ಇವು ಸುಮಾರು ಆರು ಕೆ.ಜಿ ತೂಗುತ್ತವೆ.
» 5 ಕಿ.ಮೀ ಸುತ್ತಳತೆಯಲ್ಲಿ, 500 ಮೀಟರ್ ಎತ್ತರದಲ್ಲಿ ಹಾರಾಟ ನಡೆಸುವ ಸಾಮಾರ್ಥ್ಯ ಹೊಂದಿವೆ.
» ಈ ಡ್ರೋಣ್’ನಲ್ಲಿ ಮೂರು ಬ್ಯಾಟರಿಗಳಿವೆ. ಪ್ರತಿ ಬ್ಯಾಟರಿಯು ಒಂದು ಗಂಟೆ ಹಾರಾಟಕ್ಕೆ ಅನುವು ಮಾಡಲಿದೆ.
» ಹಾರಾಡುತ್ತಿರುವಾಗಲೆ ಚಾರ್ಜ್ ಖಾಲಿಯಾದರೆ, ಎಲ್ಲಿಂದ ಹಾರಾಟ ಆರಂಭಿಸಿತ್ತೋ ಅಲ್ಲಿ ಬಂದು ಇಳಿಯಲಿದೆ.
» ಡ್ರೋಣ್ ನಿರ್ವಹಣೆಗೆ ಗ್ರೌಂಡ್ ಕಂಟ್ರೋಲ್ ಸ್ಟೇಷನ್ (ಜಿಸಿಎಸ್) ಇರಲಿದೆ. ಇದರ ಮೂಲಕ ಡ್ರೋಣ್’ಗೆ ಸಿಗ್ನಲ್ ತಲುಪಲಿದೆ.
» 1200 ಮೆಗಾ ಪಿಕ್ಸಲ್ ಕ್ಯಾಮರಾಗಳಿವೆ. ಇದರಲ್ಲಿ ಸೆರೆಯಾದ ದೃಶ್ಯ ವೀಕ್ಷಿಸಲು ಪ್ರತ್ಯೇಕ ಎಲ್.ಸಿ.ಡಿ ಇದೆ.
ಎರಡು ಡ್ರೋಣ್, ಐವರ ತಂಡ
ಎಎನ್ಎಫ್ ತಂಡದ ಐವರು ಕಾರ್ಕಳದಿಂದ ಎರಡು ಡ್ರೋಣ್ ತಂದಿದ್ದಾರೆ. ನಗರ ವ್ಯಾಪ್ತಿಯಲ್ಲಿ ತುರ್ತು ಇರುವ ಕಡೆಯಲ್ಲಿ ಡ್ರೋಣ್ ಹಾರಾಟ ಮಾಡಿ ದೃಶ್ಯಗಳನ್ನು ಸೆರೆ ಹಿಡಿಯಲಿದೆ. ಇವತ್ತು ಅಶೋಕ ಸರ್ಕಲ್’ನಲ್ಲಿ ಪ್ರಾಯೋಗಿಕವಾಗಿ ಡ್ರೋಣ್ ಹಾರಾಟ ನಡೆಸಲಾಯಿತು. ಜಿಲ್ಲಾಧಿಕಾರಿ ಡಾ.ಸೆಲ್ವಮಣಿ ಅವರು ಡ್ರೋಣ್ ಪರಿಶೀಲನೆ ನಡೆಸಿದರು.
ಇದನ್ನೂ ಓದಿ | ಶಿವಮೊಗ್ಗದಲ್ಲಿ ಕರ್ಫ್ಯೂ ಅವಧಿ ಮತ್ತೊಂದು ದಿನಕ್ಕೆ ವಿಸ್ತರಣೆ
LATEST NEWS
- ಬೆಳಗ್ಗೆ ಲೇಔಟ್ಗೆ ಬಂದ ಲೆಕ್ಚರರ್ಗೆ ಕಾದಿತ್ತು ಆಘಾತ, ರಾತ್ರಿ 11.15ರ CCTV ದೃಶ್ಯ ಕಂಡು ಶಾಕ್
- ಶಿವಮೊಗ್ಗ TO ಬೆಂಗಳೂರು ಇನ್ನಷ್ಟು ವೇಗ, ದ್ವಿಪಥ ಯೋಜನೆಗೆ ಒತ್ತಾಯ
- ಜಮೀನಿಗೆ ನೀರು ಹರಿಸಲು ಹೋಗಿದ್ದ ವ್ಯಕ್ತಿಗೆ ಕಾದಿತ್ತು ಸಾವು, ಆಗಿದ್ದೇನು?
- ನಾಳೆಯಿಂದ SSLC ಪರೀಕ್ಷೆ, ಹೇಗಿದೆ ಸಿದ್ಧತೆ? ಯಾವ್ಯಾವ ತಾಲೂಕಿನಲ್ಲಿ ಎಷ್ಟು ಪರೀಕ್ಷಾ ಕೇಂದ್ರಗಳಿವೆ?
- ಮನೆಯ ಮೀಟರ್ ಬೋರ್ಡ್ ಮೇಲೆ ಕೀ ಇಡುವ ಅಭ್ಯಾಸ ಇದ್ಯಾ? ನಿದಿಗೆಯಲ್ಲಿ ದಾಖಲಾಯ್ತು ಕೇಸ್, ಯಾಕೆ?
About The Editor
ನಿತಿನ್ ಆರ್.ಕೈದೊಟ್ಲು
