ಜೀವ ವಿಮೆ ಬಗ್ಗೆ ನಿಮಗೆಷ್ಟು ಗೊತ್ತು? ಇಲ್ಲಿದೆ ಐದು ವಿಧದ ಇನ್ಷುರೆನ್ಸ್‌ಗಳ ವಿವರ

1. ಅವಧಿ ವಿಮಾ ಯೋಜನೆ

• ಟರ್ಮ್‌ ಲೈಫ್‌ ಇನ್ಸುರೆನ್ಸ್‌ (Life Term Insurance) ಪಾಲಿಸಿಯು ನಿರ್ದಿಷ್ಟ ಅವಧಿಗೆ ಇರುತ್ತದೆ. ಸಾಮಾನ್ಯವಾಗಿ 10 ರಿಂದ 30 ವರ್ಷದವರೆಗೆ ರಕ್ಷಣೆ ನೀಡುತ್ತದೆ.

• ಈ ಅವಧಿಯಲ್ಲಿ ಪಾಲಿದಾರ ಮೃತರಾದರೆ ನಾಮ ನಿರ್ದೇಶಿತ ವ್ಯಕ್ತಿಗೆ (Nominee) ನಿರ್ದಿಷ್ಟ ಮೊತ್ತ ನೀಡಲಾಗುತ್ತದೆ.

• ಇದು ಉಳಿತಾಯ ಯೋಜನೆಯ ಪಾಲಿಸಿಯಲ್ಲ. ಆದರೆ ಅತ್ಯಂತ ಕೈಗೆಟಕುವ ಮತ್ತು ಕಡಿಮೆ ದರದ ಪ್ರೀಮಿಯಂ (Premium) ಹೊಂದಿರುತ್ತದೆ.

2. ಜೀವಮಾನ ವಿಮೆ ಪಾಲಿಸಿ

• ವಿಮೆಯಲ್ಲಿ ಜೀವಿತಾವಧಿ ಪೂರ್ತಿಯಾಗಿ ವಿಮೆಯ ರಕ್ಷಣೆ ಲಭಿಸಲಿದೆ. ಹಲವು ವಿಮೆಗಳಲ್ಲಿ ವಯೋಮಿತಿ ಇರುತ್ತದೆ. ಆದರೆ ಈ ಪಾಲಿಸಿಯಲ್ಲಿ ಆ ನಿಯಮವಿಲ್ಲ.

• ಪಾಲಿಸಿದಾದರು ಮೃತರಾದರೆ ನಾಮನಿರ್ದೇಶಿತ ವ್ಯಕ್ತಿ ವಿಮೆ ಮೊತ್ತವನ್ನು ಪಡೆಯಬಹುದಾಗಿದೆ.

• ಪಾಲಿಸಿದಾರರು ಜೀವಂತ ಇರುವಾಗಲೆ ವಿಮೆ ಮೊತ್ತವನ್ನು ಭಾಗಶಃ ಹಿಂಪಡೆಯಲು ಅವಕಾಶವಿದೆ. ಅಲ್ಲದೆ ವಿಮೆಯ ಮೇಲೆ ಸಾಲವನ್ನು ಪಡೆಯಲು ಅವಕಾಶವಿದೆ.

3. ಯೂನಿಟ್‌ ಲಿಂಕ್ಡ್‌ ಇನ್ಸುರೆನ್ಸ್‌ ಪ್ಲಾನ್‌ (ಯುಲಿಪ್‌)

• ಅಧಿಕ ಲಾಭವನ್ನು ನೀಡಬಹುದು ಅಥವಾ ಅಪಾಯವನ್ನು ಉಂಟು ಮಾಡುವ ಪಾಲಿಸಿ ULIP.  

• ಪಾಲಿಸಿದಾರರು ತಮ್ಮ ಪ್ರೀಮಿಯಂ ಮೊತ್ತವನ್ನು ಬಾಂಡ್‌ಗಳು ಮತ್ತು ಷೇರುಗಳಲ್ಲಿ ತೊಡಗಿಸಬಹುದಾಗಿದೆ.

• ಮಾರುಕಟ್ಟೆಯ ಏರಿಳಿತಗಳ ಆಧಾರದಲ್ಲಿ ಆದಾಯ ನಿರೀಕ್ಷಿಸಬಹುದಾಗಿದೆ.

4. ಎಂಡೋಮೆಂಟ್‌ ಪಾಲಿಸಿ

• ಈ ಪಾಲಿಸಿಯಲ್ಲಿ ಹೂಡಿಕೆ ಮತ್ತು ವಿಮೆ ಎರಡು ಅವಕಾಶ ಇರಲಿದೆ.

• ನಿರ್ದಿಷ್ಟ ಅವಧಿಯ ಬಳಿಕ ಪಾಲಿಸಿ ಮೆಚುರಿಟಿಯಾಗಲಿದೆ.  ಆಗ ಅಥವಾ ಪಾಲಿಸಿದಾ ಮೃತರಾದ ಬಳಿಕ ನಿಗದಿತ ಮೊತ್ತವನ್ನು ನೀಡುತ್ತದೆ.

• ಕೆಲವು ಪ್ಲಾನ್‌ಗಳಲ್ಲಿ ಅನಾರೋಗ್ಯದ ಸಂದರ್ಭದಲ್ಲಿ ಹಣ ಪಡೆಯಲು ಅವಕಾಶವಿದೆ.

5. ಮಕ್ಕಳ ವಿಮಾ ಯೋಜನೆ

• ಮಕ್ಕಳ ಭವಿಷ್ಯದ ಆರ್ಥಿಕ ಅಗತ್ಯ ಮತ್ತು ಹೂಡಿಕೆಗೆ ಅತ್ಯಂತ ಅನುಕೂಲ ಈ ವಿಮಾ ಯೋಜನೆ.

• ಮಕ್ಕಳು ವಯಸ್ಕರಾದ ನಂತರ ಮೊತ್ತವನ್ನು ಪಾವತಿಸಲಾಗುತ್ತದೆ.