ಬದಲಾಗುತ್ತಿದೆ ವಾಟ್ಸಪ್, ಬರುತ್ತಿದೆ ಎರಡು ಹೊಸ ಫೀಚರ್, ಯಾವೆಲ್ಲ ಫೀಚರ್’ಗಳು ಬರ್ತಿವೆ ಗೊತ್ತಾ?

TECHNOLOGY NEWS | 15 ಅಕ್ಟೋಬರ್ 2019

ವಾಟ್ಸಪ್ ಸಂಸ್ಥೆ ಹೊಸ ಅಪ್’ಡೇಟ್ಸ್ ಘೋಷಣೆ ಮಾಡಿದೆ. ಇದು ಬಳಕೆದಾರರಲ್ಲಿ ದೊಡ್ಡ ಕುತೂಹಲ ಮೂಡಿಸಿದೆ. ಅಂದಹಾಗೆ ಈ ಬಾರಿ ವಾಟ್ಸಪ್ ಘೊಷಣೆ ಮಾಡುತ್ತಿರುವ ಅಪ್’ಡೇಟ್ಸ್ ಯಾವುದು ಗೊತ್ತಾ?

ಅಪ್’ಡೇಟ್ 1 : ಡಾರ್ಕ್ ಮೋಡ್

ಅಪ್’ಡೇಟ್ 2 : ಸೆಲ್ಫ್ ಡಿಸ್ಟ್ರಕ್ಟಿಂಗ್ ಮಸೇಜ್

ವಾಟ್ಸಪ್’ನ ಪ್ರತಿಸ್ಪರ್ಧಿ ಟೆಲಿಗ್ರಾಂ ಮತ್ತು ಸಾಮಾಜಿಕ ಜಾಲತಾಣದ ಟ್ವಿಟರ್’ನಲ್ಲಿ ಈಗಾಗಲೇ ಈ ಮಾದರಿಯ ಫೀಚರ್’ಗಳಿವೆ. ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ವಾಟ್ಸಪ್’ನಲ್ಲಿ ಈ ಫೀಚರ್’ಗಳು ಬರುತ್ತಿರುವುದು ಈಗ ಕುತೂಹಲ ಮತ್ತು ನಿರೀಕ್ಷೆ ಮೂಡಿಸಿದೆ.

ಡಾರ್ಕ್ ಮೋಡ್ ಅಂದರೆ ಏನು?

ವಾಟ್ಸಪ್’ನಲ್ಲಿ ಇರುವುದು ಒಂದೇ ಥೀಮ್. ಅದರ ಹೊರತು ಥೀಮ್ ಬದಲಾವಣೆ ಮಾಡಲು ಸಾಧ್ಯವಿಲ್ಲ. ಆದರೆ ಇನ್ಮುಂದೆ ಡಾರ್ಕ್ ಮೋಡ್ ಬರಲಿದೆ. ಇದರಿಂದ ಇಡೀ ವಾಟ್ಸಪ್’ನಲ್ಲಿ ಥೀಮ್ ಬದಲಾಗಲಿದೆ.  ಡಾರ್ಕ್ ಮೋಡ್ ಹೇಗಿರುತ್ತೆ ಅನ್ನೋದನ್ನ ಟ್ವೀಟರ್’ನ ಈ ಲುಕ್ ನೋಡಿ.

ವಾಟ್ಸಪ್ ಕೂಡ ಇದೇ ರೀತಿ ಡಾರ್ಕ್ ಮೋಡ್ ಹೊಂದಲಿದೆಯಂತೆ. ಆದರೆ ವಾಟ್ಸಪ್’ನಲ್ಲಿ ನೀಲಿ ಬಣ್ಣದ ಷೇಡ್ ಇರಲಿದೆ ಎಂದು ಹೇಳಲಾಗುತ್ತಿದೆ. ಫಾಂಟ್’ಗಳು ಎದ್ದು ಕಾಣುವಂತೆ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆಯಂತೆ. ಹಾಗಾಗಿ ಈ ಮೋಡ್ ಬಗ್ಗೆ ಬಹಳ ನಿರೀಕ್ಷೆ ಮೂಡಿದೆ.

ಸೆಲ್ಫ್ ಡಿಸ್ಟ್ರಕ್ಟಿಂಗ್ ಮಸೇಜ್’ನ ಪ್ರಯೋಜನವೇನು?

ಈ ಫೀಚರ್ ಕುರಿತು ವಾಟ್ಸಪ್ ಬಳಕೆದಾರರಲ್ಲಿ ಬಹಳ ಕುತೂಹಲವಿದೆ. ವಾಟ್ಸಪ್’ನಲ್ಲಿ ಈಗ ಮೆಸೇಜುಗಳನ್ನು ಡಿಲೀಟ್ ಮಾಡುವ ಫೀಚರ್ ಇದೆ. DELETE FOR EVERYONE ಆಪ್ಷನ್ ಕ್ಲಿಕ್ ಮಾಡಿ, ಮೆಸೇಜ್ ಡಿಲೀಟ್ ಮಾಡಿದರೂ, ಈ ಮೆಸೇಜು ಡಿಲೀಟ್ ಮಾಡಲಾಗಿದೆ ಎಂದು ತೋರಿಸುತ್ತದೆ. ಆದರೆ ಇನ್ಮುಂದೆ ಬರುವ ಹೊಸ ಫೀಚರ್, ಮೆಸೇಜು ಡಿಲೀಟ್ ಆದ ಕುರುಹು ನೀಡುವುದಿಲ್ಲ. ಅಷ್ಟೆ ಅಲ್ಲ, ಮಸೇಜು ಡಿಲೀಟ್ ಮಾಡಲು ಸಮಯವನ್ನು ಫಿಕ್ಸ್ ಮಾಡುವ ಅಪ್ಷನ್ ಬರಲಿದೆಯಂತೆ.ಸದ್ಯ ವಾಟ್ಸಪ್’ನ ಈ ಅಪ್’ಡೇಟ್ ಕುರಿತು ಬಳಕೆದಾರರು ಕುತೂಹಲದಿಂದ ಕಾದಿದ್ದಾರೆ. ಸದ್ಯದಲ್ಲೇ ಅಪ್’ಡೇಟ್ ಬಿಡುಗಡೆಯಾಗಲಿದೆ.

About The Editor

ನಿತಿನ್‌ ಆರ್‌.ಕೈದೊಟ್ಲು

ಲೋಕಲ್ ಸುದ್ದಿಗಳು ಲೋಕಕ್ಕೆ ತಿಳಿಸಬೇಕು ಅಂತಾ ನ್ಯೂಸ್ ಚಾನೆಲ್ ದುನಿಯಾದಿಂದ ಹೊರ ಬಂದು ಶಿವಮೊಗ್ಗ ಲೈವ್ ಕಟ್ಟಿದ್ದೇವೆ. ಸ್ಥಳೀಯ ಪತ್ರಿಕೆ, ಕೇಬಲ್ ಚಾನೆಲ್, ರಾಜ್ಯಮಟ್ಟದ ಪತ್ರಿಕೆ, ನ್ಯೂಸ್ ಚಾನೆಲ್’ಗಳ ಬೆಂಗಳೂರು ಕಚೇರಿಯಲ್ಲಿ ವರ್ಷಗಟ್ಟಲೆ ಕೆಲಸ ಮಾಡಿದ್ದೇನೆ. ಈ ಫೀಲ್ಡಲ್ಲಿ ಹತ್ತು ವರ್ಷಕ್ಕೂ ಹೆಚ್ಚು ಕಾಲದ ಅನುಭವವಿದೆ. ಹಾಗಾಗಿ ಪೇಪರ್, ಟಿವಿಗಳಿಗಿಂತಲೂ ವಿಭಿನ್ನವಾಗಿ ಸುದ್ದಿ ಕೊಡಬೇಕು ಅನ್ನುವ ಹಂಬಲ. ಅದರ ಪ್ರಯತ್ನ ನಿರಂತರವಾಗಿದೆ.ಕ್ವಾಲಿಟಿ ಮತ್ತು ನಿಖರತೆಗೆ ಮೊದಲ ಆದ್ಯತೆ. ಸುದ್ದಿಯ ಒಳಗೆ ನನ್ನ ಅಭಿಪ್ರಾಯ ಹೇರುವುದಕ್ಕೆ ಇಷ್ಟವಿಲ್ಲ. ಸುದ್ದಿಯನ್ನು ಸುದ್ದಿಯಾಗಷ್ಟೆ ಕೊಡಬೇಕು ಎಂಬುದು ನನ್ನ ವಾದ. ಹೀಗಿದ್ದೂ ಕೆಲವೊಮ್ಮೆ ಸುದ್ದಿ ಕೆಳಗೆ ‘ಡ್ಯಾಷ್ ಡ್ಯಾಷ್ ಡ್ಯಾಷ್’ ಅಂತೆಲ್ಲ ಕಮೆಂಟುಗಳು ಬರುತ್ತವೆ. ಆರಂಭದಲ್ಲಿದ್ದ ಟೆಂಪರ್ ಈಗಿಲ್ಲ. ಹಾಗಾಗಿ ರಿಯಾಕ್ಟ್ ಮಾಡಲ್ಲ..!ನಿಮ್ಮೂರ ಸುದ್ದಿಗಳಿದ್ದರೆ ತಿಳಿಸಿ. ಹಣ ಪಡೆದು ಸುದ್ದಿ ಮಾಡುವ ಹವ್ಯಾಸ, ಅಭ್ಯಾಸ ಎರಡೂ ಇಲ್ಲ. ಇನ್ನಷ್ಟು ವಿಭಿನ್ನ ಪ್ರಯತ್ನಗಳು, ನಮ್ಮೂರನ್ನು ಮತ್ತಷ್ಟು ಸುತ್ತಬೇಕು, ನಮ್ಮೂರ ಬಗ್ಗೆ ತಿಳಿದು ಜನರಿಗೆಲ್ಲ ತಿಳಿಸಬೇಕು ಅನ್ನುವ ತವಕವಿದೆ.ಅಂದಹಾಗೆ, ಹೊಸ ಐಡಿಯಾಗಳಿದ್ದರೆ, ಸಲಹೆಗಳಿದ್ದರೆ ತಿಳಿಸಿ.. ‘ಡ್ಯಾಷ್ ಡ್ಯಾಷ್’ ಬಯ್ಯೋದಿದ್ದರೆ ದಯವಿಟ್ಟು ವಾಟ್ಸಪ್’ನಲ್ಲಿ ಮೆಸೇಜು ಮಾಡಿ, ಸಾಕು..! ನನ್ನ ಮೊಬೈಲ್ ನಂಬರ್ 9964634494. ಸಿಕ್ಕಾಗ ತಪ್ಪದೆ ಮಾತಾಡಿಸಿ. ನಿಮ್ಮ ಸ್ನೇಹ ನಂಗೆ ಅಮೂಲ್ಯ.ಶಿವಮೊಗ್ಗದ ಸುದ್ದಿಗಾಗಿ ನಿರಂತರವಾಗಿ ಶಿವಮೊಗ್ಗ ಲೈವ್.ಕಾಂ ಓದುತ್ತಿರಿ