SHIVAMOGGA LIVE NEWS | 21 MAY 2024

SAGARA : ಅಂಬ್ಲಿಗೊಳ ಅರಣ್ಯ ವಲಯದ ಬೈರಾಪುರ ವ್ಯಾಪ್ತಿಯಲ್ಲಿ ಉಡ (Lizard) ಬೇಡೆಯಾಡಿದ ಪ್ರಕರಣದಲ್ಲಿ ಅರಣ್ಯ ಇಲಾಖೆ ಅಧಿಕಾರಿಗಳು ಇಬ್ಬರನ್ನು ಬಂಧಿಸಿದ್ದಾರೆ. ಅರಣ್ಯ ಇಲಾಖೆ ಸಿಬ್ಬಂದಿ ಗಸ್ತಿನಲ್ಲಿದ್ದಾಗ ಪ್ರಕರಣಕ್ಕೆ ಬೆಳಕಿಗೆ ಬಂದಿದ್ದು ಶಿಕಾರಿಪುರ ತಾಲೂಕಿನ ಮಂಜಪ್ಪ ಮತ್ತು ಈಶ್ವರಪ್ಪ ಅವರನ್ನು ವಶಕ್ಕೆ ಪಡೆದು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಇನ್ನೂ ಮೂವರು ಆರೋಪಿಗಳು ನಾಪತ್ತೆಯಾಗಿದ್ದಾರೆ.

ಇದನ್ನೂ ಓದಿ – ಗಾಜನೂರು ಬಳಿ ನಾಯಿಗೆ ಡಿಕ್ಕಿ ತಪ್ಪಿಸಲು ಹೋಗಿ ಪಲ್ಟಿಯಾದ ಕಾರು, ಯುವಕ ಸಾವು

ಬಂಧಿತರಿಂದ ಕಂಟ್ರಿಮೇಡ್ ರೈಫೆಲ್, 3 ಕೆ.ಜಿ. ತೂಕದ ಉಡದ ಕಳೇಬರ ವಶಕ್ಕೆ ಪಡೆಯಲಾಗಿದೆ. ಅಂಬ್ಲಿಗೊಳ ವಲಯದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಸಂತೋಷ್‌ಕುಮಾರ್, ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಸುರೇಶ್ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಅರಣ್ಯಾಧಿಕಾರಿಗಳಾದ ಮಾಧವ ದೊಡ್ಡಬಾಡಗಿ, ಚಂದ್ರಪ್ಪ ಲಮಾಣಿ ಇತರರಿದ್ದರು.