SHIVAMOGGA LIVE NEWS | 20 NOVEMBER 2023
ಶಿವಮೊಗ್ಗ ಲೈವ್ನ ಪ್ರತಿ ಅಪ್ಡೇಟ್ ನೀವೇ ಮೊದಲು ಪಡೆಯಲು ಕೆಳಗಿನ ಗ್ರೂಪ್ಗಳನ್ನು ಜಾಯಿನ್ ಆಗಿ:
SHIMOGA : ಪಾರ್ಟ್ ಟೈಮ್ ಜಾಬ್ ಹೆಸರಿನಲ್ಲಿ ಶಿವಮೊಗ್ಗದಲ್ಲಿ ಮತ್ತೊಬ್ಬ ಯುವಕನಿಗೆ 3.09 ಲಕ್ಷ ರೂ. ವಂಚಿಸಲಾಗಿದೆ. ಹಣ ಪಡೆದು ಟಾಸ್ಕ್ ನೀಡಿ ಬಳಿಕ ವಂಚನೆ ಮಾಡಲಾಗಿದೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.
ಸ್ಕ್ರೀನ್ ಶಾಟ್ ಕಳುಹಿಸಿದ್ದಕ್ಕೆ 250 ರೂ.
ಶಿವಮೊಗ್ಗ ನಗರದ ಯುವಕನ (ಹೆಸರು ಗೌಪ್ಯ) ಮೊಬೈಲ್ಗೆ ಅನಾಮಧೇಯ ಮೊಬೈಲ್ ನಂಬರ್ನಿಂದ ಯು ಟ್ಯೂಬ್ ಲಿಂಕ್ ಕಳುಹಿಸಲಾಗಿತ್ತು. ಆ ಚಾನಲ್ ಸಬ್ಸ್ಕ್ರೈಬ್ ಮಾಡಿ ಸ್ಕ್ರೀನ್ ಶಾಟ್ ಕಳುಹಿಸುವಂತೆ ತಿಳಿಸಲಾಗಿತ್ತು. ಅದರಂತೆ ಸ್ಕ್ರಿನ್ ಶಾಟ್ ಕಳುಹಿಸಿದಾಗ 250 ರೂ. ಹಣ ಯುವಕನ ಖಾತೆಗೆ ಜಮೆಯಾಗಿತ್ತು.
ಟೆಲಿಗ್ರಾಂ ಲಿಂಕ್, ಟಾಸ್ಕ್ ಮೇಲೆ ಟಾಸ್ಕ್
ನಂತರ ಟೆಲಿಗ್ರಾಂ ಗ್ರೂಪ್ ಸೇರುವಂತೆ ತಿಳಿಸಿ ಟಾಸ್ಕ್ ನೀಡಲಾಯಿತು. ಪ್ರತಿ ಟಾಸ್ಕ್ಗೆ ಇಂತಿಷ್ಟು ಎಂದು ಚಾರ್ಜ್ ವಿಧಿಸಲಾಯಿತು. ಟಾಸ್ಕ್ ಪೂರೈಸುತ್ತಿದ್ದಂತೆ ಹೆಚ್ಚುವರಿ ಹಣ ಯುವಕನ ಖಾತೆಗೆ ವರ್ಗಾಯಿಸಲಾಯಿತು. ಸ್ವಲ್ಪ ಸಮಯದ ಬಳಿಕ ಪ್ರತಿ ಟಾಸ್ಕ್ಗೆ ದೊಡ್ಡ ಮೊತ್ತ ಪಾವತಿಸುವಂತೆ ಸೂಚಿಸಲಾಯಿತು. ಟಾಸ್ಕ್ ಪೂರ್ಣಗೊಂಡರೂ ಲಾಭ ಮತ್ತು ಅಸಲು ಹಣ ಹಿಂತಿರುಗಿಸಲಿಲ್ಲ. ಯುವಕ ಹಣ ಹಿಂತಿರುಗಿಸುವಂತೆ ಕೇಳಿದಾಗ ಟಾಸ್ಕ್ ಸರಿಯಾಗಿ ಮುಗಿಸಿಲ್ಲ. ಇದನ್ನು ಸರಿಪಡಿಸಲು 1.50 ಲಕ್ಷ ರೂ. ಪಾವತಿಸಿದರೆ ಎಲ್ಲ ಹಣ ಒಟ್ಟಿಗೆ ಮರಳಲಿದೆ ಎಂದು ತಿಳಿಸಲಾಯಿತು. ಅದರಂತೆ ಯುವಕ ಕ್ರೆಡ್ ಆಪ್ ಮೂಲಕ ಹಣ ಕಳುಹಿಸಿದ್ದ.
ಇದನ್ನೂ ಓದಿ – ಕಾಂಪ್ಲೆಕ್ಸ್ನ ಮಹಡಿ ಮೇಲಿರುವ ಸೈಬರ್ ಸೆಂಟರ್ ಬಾಗಿಲು ತೆಗೆಯಲು ಬಂದ ಮಾಲೀಕನಿಗೆ ಕಾದಿತ್ತು ಶಾಕ್
ಹಣ ಮರಳದೆ ಇದ್ದಾಗ ವಂಚನೆಗೊಳಗಾಗಿರುವುದು ಅರಿವಾಗಿ ಜಯನಗರ ಠಾಣೆಯಲ್ಲಿ ದೂರು ನೀಡಿದ್ದಾನೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
LATEST NEWS
- ಶಿವಮೊಗ್ಗಕ್ಕೆ ಬರ್ತಿದ್ದಾರೆ ಉಪ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್, ಎಲ್ಲೆಲ್ಲಿ ತೆರಳಲಿದ್ದಾರೆ?
- ಹಸಿದ ಚಿರತೆ ಮರಿ ರಕ್ಷಣೆ, ತಾಯಿ ಚಿರತೆಯ ಭೀತಿಯಲ್ಲಿ ಜನ, ಎಲ್ಲಿ? ಏನಿದು ಪ್ರಕರಣ?
- ನಗದು ತುಂಬಿದ್ದ ಪರ್ಸ್ ವಾರಸುದಾರರಿಗೆ ವಾಪಸ್, ಆಯನೂರು ನಿವಾಸಿಗಳ ಕಾರ್ಯಕ್ಕೆ ಮೆಚ್ಚುಗೆ
- ಬಿಆರ್ಪಿ ಲೆಜೆಂಡ್ಸ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಸ್ನೇಹ ಸಮ್ಮಿಲನ
- ನೆಹರು ರಸ್ತೆಯ ಸಭಾಂಗಣದಲ್ಲಿ ಒಂದು ದಿನದ ಕಾರ್ಯಾಗಾರ, ಯಾರೆಲ್ಲ ಬರ್ತಾರೆ? ಏನೆಲ್ಲ ಚರ್ಚೆಯಾಗಲಿದೆ?
About The Editor
ನಿತಿನ್ ಆರ್.ಕೈದೊಟ್ಲು
