SHIVAMOGGA LIVE NEWS | 11 NOVEMBER 2023

HOSANAGARA : ಕಾರು (car) ಡಿಕ್ಕಿಯಾಗಿ ಬೈಕ್‌ ಸವಾರರಿಬ್ಬರು ಗಾಯಗೊಂಡಿದ್ದಾರೆ. ಚಾಲಕ ಅತಿ ವೇಗವಾಗಿ ಕಾರು ಚಲಾಯಿಸಿ ದಿಢೀರ್‌ ಬ್ರೇಕ್‌ ಹಾಕಿದ್ದು, ಕಾರು ತಿರುಗಿ ನಿಂತಿದೆ. ಈ ಸಂದರ್ಭ ಕಾರಿನ ಹಿಂಬದಿಯ ಭಾಗ ಬೈಕ್‌ಗೆ ಡಿಕ್ಕಿಯಾಗಿದೆ.

ಹೊಸನಗರದ ಸಾಗರ ರಸ್ತೆಯಲ್ಲಿ ಘಟನೆ ಸಂಭವಿಸಿದೆ. ಬೈಕ್‌ ಸವಾರರಾದ ಮಳವಳ್ಳಿ ಮತ್ತಿಕೊಪ್ಪದ ‍ಶ್ರೀಕಾಂತ್‌ ಮತ್ತು ತಿಮ್ಮಪ್ಪ ಎಂಬುವವರು ಗಾಯಗೊಂಡಿದ್ದಾರೆ. ‍ಬೈಕ್‌ ಸವರಾರರು ಹೊಸನಗರ ಪಟ್ಟಣದಿಂದ ಮನೆಗೆ ಮರಳುತ್ತಿದ್ದರು. ಬಟ್ಟೆಮಲ್ಲಪ್ಪ ಕಡೆಯಿಂದ ರಸ್ತೆಯ ಬಲ ಭಾಗದಲ್ಲಿ ಬಂದ ಸ್ವಿಫ್ಟ್‌ ಕಾರು (car) ದಿಢೀರ್‌ ಬ್ರೇಕ್‌ ಹಾಕಿದೆ. ಈ ಸಂದರ್ಭ ಕಾರು ತಿರುಗಿ ನಿಂತಿದೆ. ಕಾರಿನ ಹಿಂಭಾಗ ಬೈಕ್‌ಗೆ ತಗುಲಿದೆ.

ಗಾಯಾಳುಗಳು ಹೊಸನಗರ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಘಟನೆ ಸಂಬಂಧ ಹೊಸನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.