SHIVAMOGGA LIVE NEWS | 13 ಮಾರ್ಚ್ 2022

ಕಾಲಿಗೆ ಗಾಯವಾಗಿ, ನಿತ್ರಾಣಗೊಂಡಿದ್ದ ನವಿಲೊಂದನ್ನು ಸ್ಥಳೀಯರು ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ಪ್ರಥಮ ಚಿಕಿತ್ಸೆ ಕೊಟ್ಟು, ರಕ್ಷಣೆ ಮಾಡಿದ್ದಾರೆ.

ಮಲವಗೊಪ್ಪದ ಕಾಂತರಾಜು ಎಂಬುವವರ ತೋಟದ ಬಳಿ ನಿತ್ರಾಣ ಸ್ಥಿತಿಯಲ್ಲಿದ್ದ ನವಿಲು ಸಿಕ್ಕಿದೆ. ಸ್ಥಳೀಯರು ನೀಡಿದ ಮಾಹಿತಿ ಅಧಾರದ ಮೇಲೆ ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ, ನವಿಲಿಗೆ ಚಿಕಿತ್ಸೆ ನೀಡಿದ್ದಾರೆ. ಕಾಲಿಗೆ ಗಾಯವಾಗಿದ್ದರಿಂದ ನಿತ್ರಾಣಗೊಂಡಿತ್ತು ಎಂದು ತಿಳಿದು ಬಂದಿದೆ.

ಮಲವಗೊಪ್ಪ ಸಮೀಪ ಮೇಯಲು ಬಂದಾಗ ಕಾಲಿಗೆ ಗಾಯವಾಗಿರುವ ಸಾದ್ಯತೆ ಇದೆ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಸದಸ್ಯ ನವಿಲನ್ನು ತ್ಯಾವರೆಕೊಪ್ಪದ ಹುಲಿ ಮತ್ತು ಸಿಂಹಧಾಮಕ್ಕೆ ರವಾನಿಸಲಾಗಿದೆ.

ಉಂಬಳೇಬೈಲು ಆರ್.ಎಫ್.ಒ R. T. ಮಂಜುನಾಥ್, ಸೋಗಾನೆ DyRFO ನವೀನ್ ಹೂಗಾರ, DyRFO ಅಬ್ದುಲ್ ಕರೀಂ, ಫಾರೆಸ್ಟ್ ಗಾರ್ಡ್’ಗಳಾದ ಕೀಜರ್ ಅಲಿ, ರಾಜಶೇಖರ್, ಸುದರ್ಶನ್, ಕೃಷ್ಣಮೂರ್ತಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.

ಇದನ್ನೂ ಓದಿ | ಇವತ್ತಿನ ಎಲ್ಲಾ ಸುದ್ದಿಗಳನ್ನು ಓದಲು ಕ್ಲಿಕ್ ಮಾಡಿ

ಈ ಮೇಲ್ – [email protected]

WhatsApp Number – 7411700200